स्याङ्जा : बुधबार रातीदेखि सुरु भएको स्याङ्जा निर्वाचन क्षेत्र नं २ को मत गणना कार्य अहिले पनि जारी छ। पछिल्लो मतपरिणाम अनुसार २८ हजार ५८३ मत गणना हुँदा नेपाली कांग्रेसका धनराज गुरुङले अग्रतालाई निरन्तर बढाउँदै लगेका छन्।
यहाँ ७० हजार १९१ मत खसेको थियो। उनले नेकपा एमालेका पद्मा अर्याललाई २ हजार ४१८ मतले पछि पारेका छन्। गुरुङले ११ हजार ९२० मत पाउँदा अर्यालले ९ हजार ५०२ मत पाएकी छन्।
सुरुवाती मतगणनामा एक पटकमात्र अग्रता लिएकी अर्याल त्यसपछि पर्दै आएकी छन्। यसैगरी, तेस्रो स्थान बनाउन सफल रहेका राष्टिय स्वतन्त्र पार्टीका उम्मेदवार टिकराज गुरुङले ५ हजार १९२ मत पाएका छन्।
प्रतिक्रिया दिनुहोस !
