दोलखामा प्रदेशतर्फ कांग्रेसका कुन्दनराज काफ्ले र एमालेका भरत केसी जित नजिक
मंसिर १८, २०७९ आइतबार ८:५४:०
दोलखा : दोलखामा प्रदेशसभातर्फ क्षेत्र नम्बर १ मा कांग्रेसका कुन्दनराज काफ्ले र प्रदेश क्षेत्र नम्बर २ मा एमालेका भरत केसीको जित सुनिश्चित भएको छ। अन्तिम मत परिणाम नआउँदै उनीहरुको जित निश्चित भएको हो।
क्षेत्र नम्बर १ मा तामाकोशी गाउँपालिकाको मतगणना भइरहेको छ भने अब बैतेश्वर गाउँपालिकाको बाँकी छ। काफ्लेले तामाकोशीमै आफ्नो जित सुनिश्चित गरेका हुन्। काफ्लेसँग एमालेका नरबहादुर श्रेष्ठको प्रतिस्पर्धा रहेको छ। काफ्ले श्रेष्ठभन्दा ४ हजार ९ सय ७७ मतसहित अगाडि छन्। उनले हालसम्म १७ हजार ४ सय ३० मत प्राप्त गरेका छन्।
यता, क्षेत्र २ मा भीमेश्वर नगरपालिकाको अन्तिम मतगणना भइरहेको छ । एमालेका केसीसँग कांग्रेसका बर्मा लामाको प्रतिस्पर्धा रहेको छ।
प्रतिक्रिया दिनुहोस !
५
