जोमसोम: मुस्ताङको वारागुङ मुक्तिक्षेत्र-१ अन्तर्गतका ४ वटा गाउँमा आईतबारदेखि अत्याधुनिक सीसी क्यामेरा जडानकार्य सुरु गरिएको छ । वारागुङ वडा-१ को मुक्तिनाथ रानीपौवा, झारकोट, खिङ्गा र लुप्रा गाउँमा अत्याधुनिक सीसी क्यामेरा जडान गर्न थालिएको हो।
मुक्तिनाथको रानीपौवा बजारक्षेत्र, झारकोट, खिङ्गा र लुप्रा गाउँका लागि १३ वटा अत्याधुनिक सीसी क्यामेरा जडान हुनेछन्।
सडक सञ्जालको सहजतासँगै मुक्तिनाथ क्षेत्रमा आन्तरिक तथा बाह्य पर्यटकको संख्या बढ्न थालेपछि मुक्तिनाथ क्षेत्रको शान्ति सुरक्षालाई थप सुदृढ बनाउन, दुर्घटना र अपराधजन्य घटनाहरुको न्यूनीकरण गर्ने उद्देश्यले सीसी क्यामेराको व्यवस्थापन गरिएको वडाध्यक्ष प्रमिस गुरुङले बताए।
प्रतिक्रिया दिनुहोस !
