वीरगन्ज : बारामा एक युवकको हत्या भएको छ। वीरगन्ज-१६ नगवासँग जोडिएको बाराको विश्रामपुर गाउँपालिका वडा नम्बर-५ इटियाहीमा परालको भुसले छोपिएको अवस्थामा २२ वर्षीय सुरज साह कानुको शव भेटिएको हो।
जीतपुर सिमरा उपमहानगरपालिका-१० का कानुको शव तारले खुट्टा बाँधेको र टिसर्टले मुख छोपेको अवस्थामा बुधबार साँझ भेटिएको प्रहरीले जनाएको छ।
गाइवस्तुलाई खुवाउन पराल काटेर बनाइएको भुसको थुप्रोबाट शवको खुट्टा बाहिर देखिएपछि स्थानीयले प्रहरीलाई खबर गरेका थिए। कानुको हत्या गरेर फालेको हुनसक्ने आशंका प्रहरीको छ। तर मृत्युको कारण भने खुलेक छैन। प्रहरीले हत्या आशंकामा दुई जनालाई पक्राउ गरी सोधपुछ गरिरहेको छ।
प्रतिक्रिया दिनुहोस !
५
