भक्तपुरमा ग्रासरुट फुटसल प्रशिक्षण सुरु
![भक्तपुरमा ग्रासरुट फुटसल प्रशिक्षण सुरु](https://annapurnapost.prixacdn.net/media/albums/fotsal-_20221218113956_ABToqf6HH3.jpg)
भक्तपुर : सिद्धि मेमोरियल भक्तपुर फुटसल क्लबको आयोजनामा भक्तपुरमा ग्रासरुट फुटसल प्रशिक्षण सुरु भएको छ । प्रशिक्षणको उदघाटन बागमति प्रदेश सांसद सुरेन्द्रराज गोसाइले एक कार्यक्रमबीच गरे ।
आयोजक सिद्धि मेमोरियल भक्तपुर फुटसल क्लबका अध्यक्ष राम प्रजापतिका अनुसार फुटसल प्रत्येक हप्ता शनिबार शनिबार बिहान हुनेछ । फुटसलमा हालसम्म जिल्लाका विभिन्न १६ वटा स्कुलहरुबाट सहभागिता जनाएको उनले जनाए ।
स्कुलका आठ, दस र १२ वर्ष मुनिका बालबालिकालाई प्रशिक्षण दिइने जानकारी उनले गराए । प्रशिक्षण भक्तपुरस्थित महेश्वरी खेल मैदानमा हुनेछ । यो प्रशिक्षण असार महिनासम्म चल्ने जानकारी उनले गराए । बालबालिकालाई फुटबलसँग नजिक बनाई भविष्यमा राम्रो फुटबल खेलाडी उत्पादन गर्ने उद्देश्यका साथ कार्यक्रम आयोजना गरिएको उनले जानकारी गराए ।
कार्यक्रममा सिद्धि मेमोरिय अस्पतालका अध्यक्ष एवं आयोजक टिमका संरक्षक श्यामसुन्दर धौभडेलले भक्तपुरको फुटबलको विकासका लागि आफूले सक्दो सहयोग गर्ने प्रतिवद्धता जनाए ।
कार्यक्रममा धौभडेलको ७० औं जन्मदिन पनि मनाइएको थियो । त्यस अवसरमा ठूलो केक काटेर सहभागी सबै बालबालिकालाई पनि वितरण गरिएको थियो । कार्यक्रममा भक्तपुर जिल्ला खेलकुद विकास समितिका अध्यक्ष दीपक थापा, फुटबलका राष्टिय किपर विकोश कुथूलगायतले पनि आ-आफ्नो धारणा राखेका थिए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)