जाजरकोट : इजाजतविना जडीबुटी ओसारपसार गर्ने दुई जनालाई प्रहरीले पक्राउ गरेको छ।
डोल्पाबाट नेपालगञ्जतर्फ जाँदै गरेको भे१ख ३५१९ नम्बरको ट्रक चेकजाँच गर्दा इजाजतविनै जडीबुटी ओसारपसार गर्न लागेका दुई जनालाई जाजरकोट प्रहरीले सोमबार पक्राउ गरेको हो।
पक्राउ पर्नेमा जाजरकोटको छेडागाड नगरपालिका-७ का सुरेन्द्र शाही र ट्रक चालक बाँकेको कोहलपुर नगरपालिका–१२ का खगेन्द्र खत्री रहेका जिल्ला प्रहरी कार्यालय जाजरकोटले जनाएको छ।
ट्रकमा ८९ बोरा अर्थात दुई हजार एक सय ९२ किलोग्राम जटामसी र १७ बोरा अर्थात चार सय ७६ किलोग्राम पदमचाल फेला परेको थियो। बरामद गरिएको जडिबुटी आवश्यक कारबाहीका लागि डिभिजन वन कार्यालय जाजरकोटमा पठाइएको छ।
प्रतिक्रिया दिनुहोस !
