इरानी मुद्रामा भारी गिरावट, एक डलरको ३ लाख ८६ हजार रियाल
बाग्दात : इरानको केन्द्रीय बैंकका गभर्नरले इरानी मुद्रा रियालको मूल्यमा आएको गिरावटको लागि केही हदसम्म सरकार विरोधी प्रदर्शन दोषी भएको बताएका छन्।
अमेरिकी डलरको तुलनामा इरानको मुद्रा निकै सस्तो भएको छ । विदेशी विनिमय साइट बोनबास्टका अनुसार बजारमा एक डलरको ३ लाख ९५ हजार रियालसम्ममा बिक्री भएको छ । यसअघि गत शुक्रबार एक डलरको मूल्य तीन लाख ८६ हजार थियो ।
मानिसहरू आफ्नो बचत सुरक्षित राख्न डलर र सुन किन्न खोजिरहेका छन्।
केन्द्रीय बैंकका गभर्नर अली सालेहाबादीले भने, 'विगत दुई महिनाका घटनाहरू र अमेरिकी प्रतिबन्धहरूले इरानी मुद्रालाई कमजोर बनाएको छ। कमजोर रियाललाई माथि उठाउन बजारमा डलर ल्याइएको छ।'
महसा अमिनीको मृत्युपछि सुरु भएको विरोध प्रदर्शनपछि रियाल करिब २० प्रतिशतले घटेको छ ।
सरकार विरोधी प्रदर्शनमा ६८ नाबालिगसहित ४९५ प्रदर्शनकारीको मृत्यु भएको छ ।
साथै ६२ सुरक्षाकर्मीको ज्यान गएको छ भने १८ हजार ४५० जना पक्राउ परेका छन्। बीबीसी