जनकपुरधाम : धनुषाको मुखियापट्टी मुसहरनिया गाउँपालिकामा अज्ञात समूहको गोली प्रहारबाट एकजना गम्भीर घाइते भएका छन्।
मुखियापट्टी मुसहरनिया गाउँपालिका-२ मा शनिबार साँझ अज्ञात समूहले गोली प्रहार गर्दा स्थानीय ४० वर्षीय धनुक दास गम्भीर घाइते भएका छन्।
गम्भीर घाइते दासलाई उपचारका लागि प्रादेशिक अस्पताल जनकपुरधाममा ल्याइएको छ। स्थानीयले गोली चलेको आवाज सुनेपछि प्रहरीलाई खबर गरेका थिए।
जिल्ला प्रहरी कार्यालय धनुषाका प्रवक्ता प्रहरी नायब उपरीक्षक प्रदीप बहादुर क्षेत्रीले घटनाबारे अनुसन्धान भइरहेको जानकारी दिए।
गोली कसले र किन चलाएको विषयमा अनुसन्धान भइरहेको उनले जानकारी दिए।
प्रतिक्रिया दिनुहोस !
