मुम्बई : यस वर्षमा ओटीटी प्लाटफर्ममा सबैभन्दा चर्चमा रहे अभिनेता पंकज त्रिपाठी। उनले गत जुलाईदेखि सेप्टेम्बरसम्म ओटीटीमा राज गरेको सञ्चारमाध्यमहरूले उल्लेख गरेका छन्। एक संस्थाका अनुसार ओटीटी प्लाटफर्ममा यस वर्ष पंकज पहिलो नम्बरमा रहेका छन्।
यो वर्ष उनी अभिनित क्रिमिनल जस्टिसको तेस्रो सिजन सार्वजनिक भयो। पंकज यो सिरिजमा माधव मिश्राको पत्रबाट चर्चामा रहन्छन्। त्यसो त उनी कालीन भैया र गुरुजीको नामबाट पनि चर्चामा रहने गर्छन्।
सेक्रेट गेम्समा गुरुजी र मिर्जापुरमा कालीन भैयाको पात्रमा उनी चिनिएका थिए। यो दुबै वेवसिरज सुपरहिट रहेको समीक्षकहरूले बताएका छन्। पछिल्लो पाँच वर्षमा पंकजले यिनै तीन वेवसिरजमा काम गरेर चर्चामा रहेका छन्। उनी छिट्टै मिर्जापुरको तेस्रो सिजनमा देखिँदैछन्।
त्यस्तै ओटीटीको दोस्रो नम्बरमा मनोज बाजपेयी र तेस्रोमा जितेन्द्र कुमार रहेका छन्। मनोज 'द फ्यामिली मेन' वेवसिरिजबाट चर्चामा रहेका छन् भने जितेन्द्र पंचायतबाट चर्चामा रहेका छन्।
प्रतिक्रिया दिनुहोस !
