दोलखा : दोलखामा २४० क्रेट अण्डा वितरण गरिएको छ। पोल्ट्री दिवशका अवसरमा भेटेनरी कार्यालय दोलखाले अण्डा वितरण गरेको हो।
सूचना अधिकारी डा. ध्रुव डीसीले गर्भवती, कुपोषण र पुड्कोपना भएका बालबालिका तथा श्रमिकलाई अण्डा वितरण गरेको बताए। ८६ हजार बराबरको अण्डा वितरण गरिएको उनको भनाइ छ।
पोषण र सन्तुलित आहारका रूपमा रहेको मासु र अण्डाको महत्व बुझाउनका लागि अण्डा वितरण गरिएको डाक्टर डिसीले बताए ।
साताव्यापी रूपमा सञ्चालन गरिएको कार्यक्रममा पोल्ट्रीजन्य उत्पादनको उपभोग र महत्वका बारेमा जानकारी, जनचेतना फैलाउने, कृषकलाई पोल्टी व्यवसायका बारेमा जानकारी दिने, श्रमिक बजारमा श्रमिकहरूलाई अण्डाको परिकार वितरण गर्ने लगायतका कार्य गरिएको हो।
पोल्टि क्षेत्रको विकासमा सर्वपक्षीय सहभागिता, खाद्य र पोषण हाम्रो प्रतिबद्धता भन्ने नारासहित दिवस मनाइएको हो।
प्रतिक्रिया दिनुहोस !
