सुदूरपश्चिमको सभामुखमा भण्डारी र रावलले गराए मनोनयन दर्ता
पुष २७, २०७९ बुधबार १५:२५:०
धनगढी :सुदूरपश्चिम प्रदेशको सभामुख पदका लागि दुईजनाको मनोनयन दर्ता भएको छ। सभामुखमा माओवादी केन्द्रका भीम भण्डारी र नेपाली कांग्रेसका मानबहादुर रावलले मनोनयन दर्ता गराएको प्रदेशसभा सचिवालयले जनाएको छ।
सभामुखमा मनोनयन दर्ता गराएका भण्डारी बझाङबाट र रावल अछामबाट निर्वाचित सांसद हुन्।
सुदूरपश्चिम प्रदेशको सभामुखमा नेकपा एमाले र नेकपा माओवादी केन्द्रको गठबन्धन छ। सुदूरपश्चिम प्रदेशसभामा दोस्रो ठूलो दल रहेको माओवादी केन्द्रका ११ र एमालेका १०,नागरिक उन्मुक्ति पार्टीका सात र राप्रपाका एकजना प्रदेशसभा सदस्य छन्।
५३ सदस्यीय प्रदेश सभामा सभामुख निर्वाचित हुनका लागि २७ जना प्रदेश सभा सदस्यको समर्थन चाहिन्छ।
सभामुख चयनका लागि भोलि मतदान हुनेछ।
प्रतिक्रिया दिनुहोस !
