प्यूठान : जिल्लाको झिमरुक गाउँपालिका-५ मा रहेको नेपाल राष्ट्रिय आधारभूत विद्यालयलाई मावि बनाउनका लागि सहयोग संकलन सुरु भएको छ।
२०३२ सालमा स्थापना भएको विद्यालयमा हाल कक्षा ८ सम्मको मात्र पढाइ भइरहेको छ।
आगामी शैक्षिक सत्रदेखि मावि तह (कक्षा ९–१०) सञ्चालन गर्ने लक्ष्यका साथ विद्यालयले सहयोग संकलन अभियान सुरु गरेको हो।
सहयोगका लागि विद्यालय र अभिभावकहरूले सार्वजनिक रूपमा सहयोगको अपिल गरेका छन्।
कक्षा ८ देखि माथिल्लो तहको पढाइका लागि विद्यार्थीहरू बालशिक्षा माध्यमिक विद्यालय मच्छि र बलभद्र मावी बादीकोट पुग्नुपर्ने बाध्यता छ।
मावी सञ्चालनका लागि पूर्वाधार निर्माण र शिक्षक व्यवस्थापनका लागि कम्तीमा ५० लाख रुपैयाँ बजेट आवश्यक पर्ने प्रधानाध्यापक यशोदा खड्काले बताइन्।
विद्यालयमा २ सय ५८ जना विद्यार्थी छन्। बालविकाससहित १० जना शिक्षक कार्यरत छन्।
प्रतिक्रिया दिनुहोस !
