वीरगन्ज : स्वर्गीय गोपाल गिरी स्मृति क्रियाशील पत्रकारिता पुरस्कार वीरगन्जका पत्रकार महेश दासलाई प्रदान गरिएको छ।
वीरगन्जका पूर्व मेयर एंव पत्रकार स्वर्गीय गोपाल गिरिको स्मृतिमा नेपाल पत्रकार महासंघ पर्सा शाखाले स्थापना गरेको पुरस्कार दासलाई प्रदान गरिएको हो।
आइतबार बिहान नेपाल पत्रकार महासंघ पर्साको सभाकक्षमा आयोजित कार्यक्रममा वीरगन्ज महानगरपालिकाका मेयर राजेशमान सिंहले दासलाई पुरस्कार प्रदान गरेका हुन्।
गत पुस १९ मा बसेको पत्रकार महासंघ पर्साको बैठकले लामो समयदेखि वीरगन्जलाई कार्यक्षेत्र बनाएर पत्रकारिता गर्दै आएका दासलाई पुरस्कृत गर्ने निर्णय गरेको थियो। पुरस्कृत दास वीरगन्ज महानगरका मेयर सिंहका प्रेस सल्लाहकार पनि हुन्।
प्रतिक्रिया दिनुहोस !
५
