जाजरकोट : सल्यानमा धारिलो हतियार प्रयोग गरेर आफ्नै मामाले ८ वर्षीय भान्जाको हत्या गरेका छन्।
जिल्लाको बनगाड कुपिण्डे नगरपालिका-१० माझकाँडाका २४ वर्षीय डम्मर पुरीले ८ वर्षका भान्जा भिजन घर्तिलाई आइतबार दिउँसो धारिलो हतियार प्रयोग गरी हत्या गरेका हुन्।
गिरीले घर नजिकैको मन्दिरभित्र लगेर भान्जाको हत्या गरेको जिल्ला प्रहरी कार्यालय सल्यानका प्रहरी प्रमुख डीएसपी दामोदर केसीले बताए।
गिरीले खुर्पाले हानेर भान्जाको टाउको छुट्याएर हत्या गरेको उनले जानकारी दिए।
उनका अनुसार मानसिक सन्तुलन ठीक नभएका गिरीलाई हतियारसहित प्रहरीले नियन्त्रणमा लिएको छ।
भान्जाको हत्या गरेका गिरीले शव मन्दिरभित्रै खाल्डो खनेर गाडेको प्रहरीले जनाएको छ। अहिले घटनास्थल सुरक्षित राखिएको र थप अनुसन्धान भइरहेको प्रहरी प्रमुख केसीले बताए।
हत्याको अन्य कारण खुल्न सकेको छैन। मानसिक सन्तुलन गुमाएकै कारण हत्या गरेको हुन सक्ने बताइएको छ।
तर गिरी मानसिक रोगी भए नभएको स्वास्थ्य परीक्षणपछि मात्र खुल्न प्रहरी प्रमुख केसीले जानकारी दिए।
प्रतिक्रिया दिनुहोस !
