सुदूरपश्चिममा एमालेबाट चौधरी र समाजवादीबाट पन्त उपसभामुखमा भिड्दै
बेलुका ६ बजे मतदान हुने
माघ ३, २०७९ मंगलबार १७:११:०
धनगढी : सुदूरपश्चिम प्रदेश सभाको उप सभामुखका लागि नेकपा एमालेबाट कोइली देवी चौधरी र नेकपा एकीकृत समाजवादीबाट माया पन्तको उम्मेदवारी परेको छ । सत्ता गठबन्धनमा उप सभामुख पद नागरिक उन्मुक्ति पार्टीलाई दिने सहमति भएको थियो। तर नागरिक उन्मुक्ति पार्टीले उपसभामुख नबन्ने र सरकारमा पनि नजाने निर्णय गरेपछि सत्ता गठबन्धनबाट नेकपा एमालेले उपसभामुखमा मनोनयन दर्ता गरेको हो ।
कोइली चौधरी कैलालीबाट समानुपातिक प्रदेश सभा सदसय हुन् भने पन्त पनि कञ्चनपुरबाट समाजवादीकी समानुपातिक प्रदेश सभा सदस्य हुन् ।
संसद सचिवालयले जारी गरेको कार्यतालिका अनुसार,आज अपरान्ह ४ बजेसम्मका लागि उप सभामुखमा मनोनयनको समय थियो । त्यो समयभित्र एमालेबाट चौधरी र समाजवादीबाट पन्तले मनोनयन दर्ता गराएको संसद सचिवालयका अधिकृत युवराज जैशीले जानकारी दिए ।
आजै नेकपा माओवादी केन्द्रका भीम बहादुर भण्डारी सभामुखमा निर्वाचित भएका छन्। आजै बेलुकी ६ बजे उपसभामुखका लागि मतदान हुनेछ।
उपसभामुखका उमेदवारहरु कोईली देवी चौधरी र माया पन्त ।
प्रतिक्रिया दिनुहोस !
