बाइडेनको घरबाट गोप्य कागजात बरामद
वासिङटन डिसी : अमेरिकामा, न्याय मन्त्रालयका अन्वेषकहरूले डेलावेयरमा रहेको राष्ट्रपति जो बाइडेनको घरबाट थप छवटा गोप्य कागजात फेला पारेका छन्। उक्त जानकारी अमेरिकी राष्ट्रपति बाइडेनका वकिलले दिएका हुन् ।
यही शुक्रबार विल्मिङटन स्थित बाइडेनको घरबाट पनि यस्तै केही कागजातहरू फेला परेका थिए । यी कागजातहरू बाइडेन उपराष्ट्रपति र सिनेटर हुँदाका हुन्।
वकिल बब बोवरले भने, 'बाइडेनको आफ्नै हातले लेखिएको नोट र वरपरका सामग्रीहरू पनि जफत गरिएको छ।'
यो अनुसन्धान करिब १३ घण्टासम्म चलेको थियो । यो अनुसन्धान चलिरहेको बेला राष्ट्रपति बाइडेन र उनकी श्रीमती घरमा थिएनन्।
वकिल बबले भने, 'राष्ट्रपतिले न्याय विभागलाई आफ्नो घरमा उपराष्ट्रपति रहँदाको समयको सम्बन्धित कागजातहरू र गोपनीय कागजात खोज्न अनुमति दिनुभएको छ।'
पेन बाइडेन केन्द्रबाट नोभेम्बर २ मा यस्ता गोप्य कागजात प्राप्त भएको यस महिनाको सुरुमा बाइडेनका वकिलले बताएका थिए।
यो थिंक ट्याङ्क केन्द्र राष्ट्रपति बाइडेनले वाशिंगटनमा स्थापित गरेका थिए। २० डिसेम्बर र १२ जनवरीमा पनि त्यस्ता थप कागजातहरू प्राप्त भएका थिए।
राष्ट्रपतिको टोलीले यी कागजात प्राप्त हुनेबित्तिकै राष्ट्रिय अभिलेखालय र न्याय मन्त्रालयलाई बुझाएको बताएको छ ।
विशेष काउन्सिल रोबर्ट हेरलाई यस अनुसन्धानको जिम्मेवारी सम्हाल्न नियुक्त गरिएको छ । बीबीसी