उदयपुर: उदयपुरको त्रियुगा नगरपालिका–११ बाट सामाजिक सुरक्षा भत्ता लिने सबै जनालाई विद्युतीय जग वितरण गरिएको छ।
जाडोको मौसममा तातोपानी पीउन सहज बनाउन जेष्ठ नागरिक, अपाङ्गता भएका व्यक्ति, एकल महिला शीर्षकको ५ लाख वजेटबाट ६३५ जनालाई विद्युतीय उपकरण वितरण गरेको हो।
भ्याटसहित ८५० मुल्य रहेको जग शारीरिक, मानसिक अपाङ्गता भएका व्यक्ति, एकल महिला, ६० वर्ष माथिका दलित परिवारका सदस्य तथा ६८ वर्ष माथिका जेष्ठ नागरिकलाई चिसोबाट बच्न इलेक्ट्रिक सामान उपलब्ध गराइएको वडाध्यक्ष सुमन्त कोईरालाले बताए।
उनले भने, ‘मापदण्ड अनुसार सबैलाई वितरण गरिएको छ, कसैले नपाए फेरि वितरण गरिनेछ।'
प्रतिक्रिया दिनुहोस !
