जोमसोम : मुस्ताङको थासाङ गाउँपालिका-३ लेते कालोपानीको एक घरमा आगलागी भएको छ। आइतबार दिउँसो पौने ५ बजेको समय अचानक विद्युत सट हुँदा स्थानीय ढकबहादुर तुलाचनको दुई तले घरमा आगलागी भएको जिल्ला प्रहरी कार्यालय मुस्ताङले जनाएको छ।
आगोले पूर्ण रूपमा क्षति भएको जिल्ला प्रहरी कार्यालय मुस्ताङका सूचना अधिकारी प्रहरी निरीक्षक राजकुमार तामाङले जानकारी दिए।
तुलाचनको ढुंगा र माटोले बनेको दुई तले घर पूर्ण रूपमा क्षति भएको छ। आगलागीपछि सदरमुकाम जोमसोमबाट सुरक्षा निकायको टोली घटना स्थलमा पुगेर आगो नियन्त्रणमा लिने प्रयास गरिहेको प्रहरी निरीक्षक तामाङले जानकारी दिए। उनका अनुसार आगलागीबाट मानवीय क्षति भएको छैन।
बेनी-जोमसोम मुख्य सडकको दक्षिण पूर्वमा रहेको घरमा आगलागी भएको र सडक निर्माणमा प्रयोग गरिएको ट्यांकरले आगो नियन्त्रणमा लिने काम भइरहेको छ। थप विवरण आउँन बाँकी रहेको प्रहरीले बताएको छ।
प्रतिक्रिया दिनुहोस !
