दोलखा : दोलखामा सोमबार दिउँसो भएको ट्याक्टर दुर्घटनामा एक जनाको मृत्यु भएको छ भने तीन जना घाइते भएका छन्।
ढुंगा पुर्याएर फर्कदै गर्दा दोलखाको विगु गाउँपालिका-४ लादुक चित्रेस्थित रमिते गोलाईमा भएको ट्याक्टर दुर्घटनामा परी स्थानीय २४ वर्षीय किसन सार्कीको ज्यान गएको जिल्ला प्रहरी कार्यालय दोलखाका प्रहरी निरीक्षक राजेश सिग्देलले बताए।
दुर्घटनामा परी स्थानीय २५ वर्षीय जीवन नेपाली, २३ वर्षीय रामबहादुर नेपाली र १८ वर्षीय सुरज खत्री घाइते भएको प्रहरीले जनाएको छ।
दुर्घटनामा सख्त घाइते सार्कीलाई सिंगटीमा प्राथामिक उपचार गरी थप उपचारका लागि काठमाडौँ लैजाने क्रममा बाटोमै मृत्यु भएको प्रहरीले जनाएको छ।
प्रतिक्रिया दिनुहोस !
