टर्की भूकम्प : १० प्रान्तमा ३ महिनासम्म आपतकाल घोषणा
अंकारा : सोमबारको शक्तिशाली भूकम्पका कारण जनधनको क्षति भएपछि टर्कीका राष्ट्रपति रेसेप तैयप अर्दोआनले देशको दक्षिणी भागका १० प्रान्तमा आपतकाल घोषणा गरेका छन्।
टेलिभिजनमा प्रसारित सन्देशमा अर्दोआनले यो आपतकाल ३ महिनाको लागि हुने बताएका छन्। टर्कीमा गएको भूकम्पका कारण टर्की र छिमेकी देश सिरियामा करिब ७ हजार ८ सय जनाको ज्यान गएको छ भने हजारौं घाइते भएका छन्।
तीन महिनाको आपतकाल लगाउनुको कारण टर्कीमा आगामी मे १४ मा राष्ट्रपति र संसदीय निर्वाचन हुन लागेको छ। यी चुनावअघि नै आपतकाल अन्त्य हुनेछ।
यसअघि सन् २०१६ को जुलाईमा अर्दोआनले कूको प्रयासपछि पूरै देशमा संकटकाल लगाएका थिए। अर्दोआनले राहत र उद्धार कार्यमा करिब ७० देशले सहयोग गर्न हात अघि बढाएको पनि बताएका छन्। बीबीसी