स्थानीय तहसँगको सहकार्यमा प्रहरीलाई आरामदायी विस्तारा उपलब्ध गराएको हो।
बागलुङ: स्थानीय तहको सहयोगमा बागलुङमा ‘एक प्रहरी, एक म्याट्रेस’ वितरण गरिएको छ। स्थानीय तहसँगको सहकार्यमा प्रहरीलाई आरामदायी विस्तारा उपलब्ध गराएको हो।
प्रहरी कर्मचारीलाई आरामदायी सुताइमा सहयोग पुर्याउने उद्देश्यले म्याट्रेस वितरण गरिएको जिल्ला प्रहरी कार्यालय बागलुङका प्रहरी उपरीक्षक दयानिधि ज्ञवालीले जानकारी दिए। अभियानअन्तरगत पहिलो चरणमा ३८९ थान म्याट्रेस वितरण गरिएको ज्ञावलीले बताए ।
पहिलो चरणको अभियानमा बागलुङ नगरपालिकाले एक सय, गलकोट नगरपालिकाले ४५, ढोरपाटन नगरपालिकाले २५ थान, जैमिनी नगरपालिकाले ३० थान, बडिगाड गाउँपालिकाले ३५ थान, काठेखोला गाउँपालिकाले ३५ थान, तमानखोला गाउँपालिको १८ थान, ताराखोला गाउँपालिकाले ३० थान, निसीखोला गाउँपालिकाले ३६ थान र बरेङ गाउँपालिको ३५ थानसहित ३८९ थान म्याट्रेस सहयोग गरेको जिल्ला प्रहरी कार्यालय बागलुङका प्रहरी निरीक्षक भुपेन्द्र गिरीले बताए।
प्रतिक्रिया दिनुहोस !
