११ स्वर्ण, ५ रजत र ५ कास्य गरी कुल २१ पदकसहित शिवशंकर माविले राष्ट्रपति रनिङ शिल्ड तथा चौँथो मेयर कपको उपाधि जितेको हो।
जाजरकोट: भेरी नगर स्तरीय राष्ट्रपति रनिङ्ग शिल्ड तथा चौँथो मेयर कप प्रतियोगिताको उपाधि शिवशंकर मावि जगतिपुरले जितेको छ।
खलंगास्थित त्रिभुवन माविको खेल मैदानमा माघ २२ गतेदेखि सञ्चालन भएको प्रतियोगितामा ११ स्वर्ण, ५ रजत र ५ कास्य गरी कुल २१ पदकसहित शिवशंकर माविले राष्ट्रपति रनिङ शिल्ड तथा चौँथो मेयर कपको उपाधि जितेको हो। जितसँगै शिवशंकर माविले ४० हजार रुपैयाँ नगद हात पारेको हो।
६ स्वर्ण, ५ रजत र ६ कास्य पदकसहित कुल १७ पदकसहित भेरी त्रिवेणी मावि रिम्ना दोस्रो भएको छ। ५ स्वर्ण, ५ रजत र ४ कास्य पदकसहित १४ पदक जितेको भगवती मावि कुदु तेस्रो भएको छ। दोस्रो र तेस्रो हुने विद्यालयले क्रमश: ३० हजार र २० हजार नगद पुरस्कार प्राप्त गरेका छन्।
एथलेटिक्स, भलिबल र कबड्डीलगायतका खेल समावेश भएको प्रतियोगितामा नगरपालिकाभित्रबाट १० विद्यालयका करिव २ सय छात्र/छात्राको सहभागी थियो। पुरस्कार वितरण गर्दै नगरप्रमुख चन्द्र प्रकाश घर्तिले विजेता छात्र/छात्राहरुलाई रनिङ शिल्ड, प्रमाणपत्र, मेडल र नगद पुरस्कार प्रदान गरे।
प्रतिक्रिया दिनुहोस !
