सुख्खा बन्दरगाहले सुदूरपश्चिमको मात्रै नभइ देशकै विकासको ढोका खुल्छ : प्रधानमन्त्री
फागुन १, २०७९ सोमबार १४:४९:४१
सोमबार महेन्द्रनगरस्थित दोधारा चाँदनी पुगेका प्रधानमन्त्रीले सुख्खा बन्दरगाह सरकारले प्राथमिकतामा राखेर काम गरिरहेको बताए ।
महेन्द्रनगर : प्रधानमन्त्री पुष्पकमल दाहाल 'प्रचण्ड'ले दोधारा चाँदनीमा प्रस्तावित सुख्खा बन्दरगाह निर्माणले सुदूरपश्चिमको मात्र नभइ समग्र देशको विकासको ढोका खुल्ने बताएका छन् ।
सोमबार महेन्द्रनगरस्थित दोधारा चाँदनी पुगेका प्रधानमन्त्रीले सुख्खा बन्दरगाह सरकारले प्राथमिकतामा राखेर काम गरिरहेको बताए । 'यसले देशकै आर्थिक विकासमा योगदान पुग्ने छ,'उनले भने,'भारत र चीनको विकासबाट लाभ लिने खोजिमा छौं ।'
प्रधानमन्त्री प्रचण्डले महाकाली नदीमा बनेको पक्की पुलको समेत निरीक्षण गरेका छन् । आजै प्रधानमन्त्रीले कञ्चनपुरमा औद्योगिक व्यापार मेलाको उद्धघाटन गर्ने कार्यक्रम समेत छ ।
सोमबार बिहान धनगढी पुगेका प्रधानमन्त्री प्रचण्डले गेटास्थित स्वास्थ्य विज्ञान विश्वविद्यालयको निरीक्षण गरेका थिए।
प्रतिक्रिया दिनुहोस !
