भक्तपुर: भक्तपुर नगरपालिकाद्धारा सञ्चालित ख्वप कलेजमा शैक्षिक प्रदर्शनी सुरु भएको छ। ख्वप माविको २३ औं, ख्वप कलेजको २१ औ र शारदा क्याम्पसको ३२ औ वार्षिक उत्सव तथा ख्वप कलेज अफ लको स्थापना एवं सञ्चालनको अवसरमा प्रदर्शनी सुरु भएको हो।
प्रदर्शनीमा एक सयभन्दा बढी स्टल छन्। प्रदर्शनीमा कलेजमा ११ कक्षादेखि माष्टर्ससम्म अध्ययनरत दुई हजारभन्दा बढी विद्यार्थी सहभागी छन्। कलेजमा विज्ञान, व्यवस्थापन, मानविकी, शिक्षा र कानून गरी पाँच सँकायमा कक्षादेखि माष्टर्ससम्मको पढाई हुने गर्दछ। प्रदर्शनीमा विद्यार्थीले आफूले पढेका विषयसँग सम्बन्धित स्टल राखेका छन्।
प्रदर्शनी बिहीबारसम्म चल्ने छ। प्रदर्शनीमा निःशुल्क प्रवेशको व्यवस्था गरिएको छ।
प्रतिक्रिया दिनुहोस !
