जीपमा सवार यात्रुहरु शुक्रबार मात्रै भारतबाट आएका थिए।
डोटी : डोटीमा जीप दुर्घटना हुँदा दुई जनाको मृत्यु भएको छ। केआईसिंह गाउँपालिका- १ लोलीमा जीप दुर्घटना हुँदा डुम्राकोटका ३६ वर्षीय जीप चालक गोविन्द शाही र वडा नम्बर २ जारीमभाडीका ४१ वर्षीय धन बहादुर तिरूवाको घटनास्थलमै मृत्यु भएको जिल्ला प्रहरी कार्यालय डोटीका प्रहरी निरीक्षक लक्ष्मीराज जोशीले जानकारी दिए।
उनका अनुसार दुर्घटनामा थप ६ जना घाइते भएका छन्। घाइते हुनेहरुमा केआइसिंह गाउँपालिका- १ डुम्राकोटका २७ वर्षीय तेज तिरूवा, सोही ठाउँकी २६ वर्षीया राधा तिरुवा गम्भीर घाइते भएको प्रहरीले जनाएको छ।
त्यस्तै डुम्राकोटकै ४ वर्षीय बालक समीर तिरुवा, २३ वर्षीया लक्ष्मी तिरुवा, १९ वर्षीय मीन लुहार र वडा नम्बर २ जारिमभाडीका २४ वर्षीय सुरज तिरुवा सामान्य घाइते भएका छन्। सामान्य घाइतेहरुलाई उद्दार पछि घर पठाइएको छ भने गम्भीर घाइतेहरुको राजपुरस्थित सुजङ अस्पतालमा उपचार भइरहेको छ।
जीपमा सवार यात्रुहरु शुक्रबार मात्रै भारतबाट आएका थिए। सुप. प्र. ०१२३००१ च ३३२९ नम्बरको जीप रिजर्भ गरेर दिपायलबाट केआइसिंह जाँदै गर्दा शुक्रबार राति साढे ११ बजे जीप दुर्घटना भएको प्रहरीले जनाएको छ।
जिप सडकबाट करिव ५०/६० मिटर तल खसेको र घटना के कसरी भयो भन्ने थप अनुसन्धान भैरहेको प्रहरीले जनाएको छ। दुर्घटनाको थप अनुसन्धानका लागि प्रहरी निरीक्षक जोशीको नेतृत्वमा जिल्ला प्रहरी कार्यालयको टोली घटनास्थलमा खटिएको छ।
प्रतिक्रिया दिनुहोस !
