खो खो प्रतियोगितामा वीरगन्जको विजयी सुरुवात

वीरगन्ज : भक्तपुरमा जारी अन्तरनगर पुरुष खो खो प्रतियोगितामा वीरगन्ज महानगरपालिकाले विजयी सुरुवात गरेको छ । प्रतियोगिताको दोस्रो दिन शनिबार भएको आफ्नो पहिलो खेलमा वीरगन्ज महानगरको टिमले बनेपा नगरपालिकालाई २३–४ को सोझो सेटमा पराजित गरेको हो । 

वीरगन्जले आफ्नो दोस्रो खेलमा शनिबार आयोजक भक्तपुरको बी टिमसँग प्रतिस्पर्धा गर्ने वीरगन्जका टिम म्यानेजर अमित अग्रवालले जानकारी दिए । 

भक्तपुर नगरपालिकाको आयोजनामा शुक्रबारदेखि शुरु प्रतियोगितामा देशका विभन्न १४ पालिकाका टिमले भाग लिएका छन् । प्रतियोगिताको फाइनल खेल फागुन ९ गते हुनेछ ।