भक्तपुर : ख्वप इन्जिनियरिङ कलेजका विद्यार्थीहरूलाई आइतबार ६१ लाख रुपैयाँ बराबरको छात्रवृत्ति वितरण गरिएको छ।
ख्वप इन्जिनियरिङ कलेजका विद्यार्थीहरूलाई ३२ लाख ९ सय रुपैयाँ र ख्वप कलेज अफ इन्जिनियरिङका विद्यार्थीलाई २९ लाख ३६ हजार रुपैयाँ छात्रवृत्ति वितरण गरिएको छ।
ख्वप इन्जिनियरिङ कलेजका ७२ जना र ख्वप कलेज अफ इन्जिनियरिङका ६७ जना विद्यार्थी छात्रवृत्ति पाएका हुन्।
भक्तपुर नगरपालिकाका प्रमुख तथा कलेज सञ्चालक समितिका अध्यक्ष सुनिल प्रजापतिले सस्तो र गुणस्तरीय शिक्षा प्रदान गर्ने उद्देश्यले स्थापित कलेजले गरिब र जेहेनदार विद्यार्थीलाई उच्च शिक्षा हासिल गर्ने अवसर प्रदान गर्न र विद्यार्थीहरूलाई उत्साह प्रदान गर्न छात्रवृत्ति वितरण गर्दै आएको बताए।
प्रतिक्रिया दिनुहोस !
