काठमाडौं: नेपाली कांग्रेसका शीर्ष नेता प्रधानमन्त्रीसँग छलफल गर्न बालुवाटार पुगेका छन्।
पूर्वप्रधानमन्त्रीसमेत रहेका कांग्रेस सभापति शेरबहादुर देउवा, वरिष्ठ नेता रामचन्द्र पौडेल, महामन्त्री गगन थापालगायतका कांग्रेसका शीर्ष नेताको टोली बालुवाटार पुगेको हो।
बालुवाटारमा प्रधानमन्त्री पुष्पकमल दाहाल 'प्रचण्ड'सँग कांग्रेस शीर्ष नेताको छलफल जारी छ।
राष्ट्रपति निर्वाचन नजिकिँदै गर्दै अबको राष्ट्रपति चयनमा सहमति जुटाउन कांग्रेस नेताहरू बालुवाटार पुगेका हुन्। नेताहरूबीच समसामयिक राजनीतिक घटनाक्रमका साथै राष्ट्रिय सहमतिको प्रयास खोज्ने विषयमा छलफल भएको समाचार स्रोतले जनाएको छ।
भेटमा आगामी राष्ट्रपतिको उम्मेदवारका विषयमा समझदारी बनाइने स्रोतले जनाएको छ।
प्रतिक्रिया दिनुहोस !
