काठमाडौं : आईसीसी विश्वकप क्रिकेट लिग २ को एकदिवसीय शृंखलाअन्तर्गत नेपालविरुद्ध स्कटल्यान्डका ओपनर जर्ज मन्जीले अर्धशतक बनाएका छन्। त्रिवि क्रिकेट मैदानमा टस हारेर ब्याटिङ थालेको स्कटल्यान्डका लागि ४६ बलको सामना गरेका मन्सीले सात चौका र दुई छक्कासहित ५० रन पूरा हुन्।
यसअघि नामिबियाविरुद्धको खेलमा शतक बनाएका मन्जीको आज जन्मदिन पनि हो।
उनीसँगै ओपनिङमा आएका काइल कोइट्जर २२ रन बनाएर पेभेलियन फर्किँदा अहिले क्रिजमा रहेका क्रिस्टोफर म्याकब्राइड ६ रन बनाएर खेलिरहेका छन्।
स्कटल्यान्डले १३.४ ओभर सकिँदा एक विकेट गुमाएर ८९ रन बनाएको छ। नेपालका लागि सन्दीप लामिछानेले एक विकेट लिएका छन्।
यसअघि शुक्रबार भएको स्कटल्यान्डविरद्धको पहिलो एकदिवसीयमा नेपालले दुई सय ७५ रनको लक्ष्य पूरा गर्दै जित हासिल गरेको थियो। जारी शृंखलामा अपराजित नेपाल आजको खेल जित्दै शतप्रतिशत नतिजा निकाल्ने लक्ष्यसहित मैदानमा उत्रिँदै छ।
प्रतिक्रिया दिनुहोस !
