भक्तपुर : घरको जग खन्ने क्रममा पुरिएको एक जना मजदुरको मृत्यु भएको छ। भक्तपुरको मध्यपुर ठिमी नगरपालिका-१ लोकन्थली खरिबोट बासुकी कोलोनी नजिक काठमाडौं महानगरपालिका-३२ नरेफाँटमा नेपाल सरकारका पूर्वसचिव तुलसीप्रसाद गौतमको घरको जग खन्ने क्रममा मञ्जय विश्वकर्मा मृत्यु भएको हो।
घरको उत्तरतर्फको अन्दाजी १५ फिट लम्बाई र १५ फिट उचाइ भएको ढुङगा र इँट्टाको पर्खाल लड्न जाँदा ती मजदुर पुरिएका थिए। घाइतेको उपचारका लागि नजिकैको नागरिक अस्पताल लगेको र चिकित्सकले मृत घोषणा गरेको परिसरका एसपी प्रजित केसीले जनाए।
घाइतेलाई उद्धार गरी उपचारका लागि नजिकैको नागरिक अस्पताल लगिएको थियो। विश्वकर्मा सुनसरी बराहक्षेत्र नगरपालिका-४ का स्थानीय बासिन्दा हुन्।
प्रतिक्रिया दिनुहोस !
