बैतडी : बैतडीमा शिक्षकले जनप्रतिनिधिमाथि कुटपिट गरेका छन् । जिल्लाको सिगास गाउँपालिका -६ मा रहेको गणेश माविका शिक्षक महेन्द्र साउँदले सोही वडाका वडा सदस्य कृष्ण बहादुर साउँदलाई कुटपिट गरेका हुन् ।
शेरा लेकम सिचाईं योजनाको बारेमा विवाद हुँदा शिक्षक महेन्द्रले वडा सदस्य कृष्णमाथि कुटपिट गरेका हुन् । वडा सदस्य साउँदको टाउको र औंलामा चोट लागेको छ । वडा सदस्य साउँदले गाउँपालिकाको न्यायिक समितिमा उजुरी दिएको अन्नपूर्णलाई जानकार दिए।
वडा अध्यक्ष तेज बहादुर साउँद भने काम विशेषले धनगढी छन् । उनले कार्यबहाक अध्यक्षको रुपमा कृष्ण साउँदलाई जिम्मेवारी दिएको र विवादको बारेमा खासै जानकारी नभएको बताए।
घटनाको बारेमा जानकारी भएको र वडा अध्यक्षसहित बसेर आवश्यक प्रक्रियामा जाने उपाध्यक्ष धाना धामीले बताइन् । यस विषयमा बुझ्न खोज्दा शिक्षक साउँदको फोन उठेन ।
प्रतिक्रिया दिनुहोस !
