अंकारा (सिन्ह्वा) : टर्कीमा रहेका झन्डै ४२ हजार सिरियाली शरणार्थी शक्तिशाली भूकम्पपछि स्वेच्छाले स्वदेश फर्किएका छन्।
भूकम्पबाट प्रभावित र दक्षिणी टर्कीमा ‘आफ्ना घर, बालबालिका र आफन्त गुमाएका’ सिरियाली स्वदेश फर्किरहेका दक्षिणी हाते प्रान्तमा आयोजित पत्रकार सम्मेलनमा टर्कीका रक्षामन्त्री हुलुसी अकारले मंगलबार जानकारी दिए।
सन् २०११ मा गृहयुद्ध सुरु भएपछि आफ्नो देशबाट भागेका लगभग ३५ लाख सिरियाली शरणार्थी टर्कीमा छन्। लगभग आधा शरणार्थीले विनाशकारी भूकम्पबाट प्रभावित दक्षिणी टर्कीमा शरण लिएका छन्।
टर्की सरकारले गत वर्ष सिरियाली शरणार्थीलाई मातृभूमिमा पूर्णरूपमा फर्कन प्रोत्साहित गर्न दुई छिमेकी देशबीचको राउन्डट्रिप गर्न अस्थायी सुरक्षा अनुमतिका साथ प्रतिबन्ध लगाएको थियो। त्यसपछि सरकारले भूकम्पपछि शरणार्थीका लागि आवतजावत गर्ने यात्रा प्रतिबन्धलाई पनि खुकुलो बनाएको छ।
फेब्रुअरी ६ मा टर्कीको दक्षिणी प्रान्त कहरामनमारासमा गएको ७.७ र ७.६ म्याग्निच्युडको भूकम्पपछि टर्की र सिरियामा ४६ हजारभन्दा बढी मानिसको मृत्यु भएको छ।
प्रतिक्रिया दिनुहोस !
