मकवानपुर : हेटौंडामा सवारी दुर्घटनामा परी २ जनाको मृत्यु भएको छ।
मृत्यु हुनेमा नुवाकोटको ककनी-४ निवासी २८ वर्षीया जीना लामा र हेटौंडा उपमहानगरपालिका-१८ भालुखोलाका १८ वर्षीय अर्जुन भोम्जन रहेका छन्।
दुर्घटनामा परेर गम्भीर घाइते भएका भोम्जनको उपचारका क्रममा हेटौंडा अस्पतालमा र लामाको चितवनस्थित पुरानो मेडिकल कलेजमा मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिएका छन्।
आज बिहान हेटौंडा १७ कठायत चोकमा बा ६४ प ६६६४ नम्बरको मोटरसाइकल र विपरीत दिशाबाट आएको बा प्र ०३–०५ प ७११ नम्बरको स्कुटर आपसमा ठोक्किएर दुर्घटना भएको थियो।
सोही दुर्घटनामा परी मोटरसाइकलमा सवार हेटौंडा-१८ रामधुनीका १६ वर्षीय सुजन घलान र बागमती गाउँपालिका-८ शान्तिपुरकी २४ वर्षीया ललिता थापा मगर घाइते भएको र उनीहरूको हेटौंडा र चितवनस्थित अस्पतालमा उपचार भइरहेको प्रहरीले जनाएको छ।
प्रतिक्रिया दिनुहोस !
