राजा र राष्ट्रपतिबीचको फरक कस्तो हुन्छ, म देखाउँछु : रामचन्द्र पौडेल
फागुन २५, २०७९ बिहीबार १०:१२:२२
काठमाडौं : राष्ट्रपतिका उम्मेदवार रामचन्द्र पौडेलले गणतन्त्रको सुदृढीकरणका लागि आफूले संरक्षकको भूमिका निर्वाह गर्ने बताएका छन्। संसद् भवनमा पत्रकारहरुसँग संक्षिप्त कुरा गर्दै पौडेलले गणतन्त्र स्थापनामा आफूले भूमिका खेलेको र यसको सुदृढीकरणका लागि संरक्षकको भूमिका खेल्ने बताएका हुन्।
पौडेलले भने, ‘राजतन्त्रको राष्ट्राध्यक्ष र गणतन्त्रको राष्ट्राध्यक्ष कस्तो हुन्छ भनेर म देखाउनेछु। केही दिनमै निर्वाचित भएमा तपाईं(पत्रकार)हरुलाई पनि बोलाउने छु।’ पौडेलले आफू राष्ट्रपतिमा निर्वाचित भए सर्वसाधारणले दुःख पाउने गरी कुनै कार्य नगर्ने बताए।
आज राष्ट्रपतिको निर्वाचन हुँदैछ। निर्वाचनमा कांग्रेसका पौडेल र एमालेबाट सुवासचन्द्र नेम्वाङ प्रतिस्पर्धामा छन्।
प्रतिक्रिया दिनुहोस !
