बैतडी : जिल्लाको पञ्चेश्वर गाउँपालिकाकी उपाध्यक्ष बिना भट्टमाथि कार्यकक्षमै कुटपिट गरिएको छ। पञ्चेश्वर–३ का स्थानीय दीपक बहादुर चन्दले बिहीबार उपाध्यक्ष भट्टमाथि कार्यकक्षमै कुटपिट गरेका हुन्।
कुटपिट गर्ने चन्दलाई शुक्रबार नियन्त्रणमा लिएको छ। उपाध्यक्ष भट्टले दिएको निवेदनका आधारमा चन्दलाई नियन्त्रणमा लिएको जिल्ला प्रहरी कार्यालय बैतडीका प्रवक्ता, प्रहरी निरीक्षक लोकराज जोशीले जानकारी दिए।
उपाध्यक्ष भट्टले कायकक्षमै प्रवेशगरी लछारपछार गर्दै आफूमाथि फलामको प्लासले हिर्काएको र ज्यान मार्ने धम्कीसमेत दिएको हुनाले छानबिनका लागि गाउँपालिका राष्ट्रिय महासंघमा समेत निवेदन दिएकी छन्। विद्युतीकरणका विषयमा लिएर कुटपिट गरेको निवेदनमा खुलाएकी छन्।
प्रतिक्रिया दिनुहोस !
