स्थानीय भिम लिम्बू, अटलबहादुर राई, अमरबहादुर राई र जितेन्द्र राईको घर नष्ट भएको आठराई गाउँपालिका अध्यक्ष दिलकुमार पाहिमले जानकारी दिए।
तेह्रथुम : तेह्रथुमको आठराई गाउँपालिका-५ छातेढुंगास्थित होडामा आगलागी भइरहेको छ। आगलागीबाट ४ वटा घर जलेर नष्ट भएको छ।
स्थानीय भिम लिम्बू, अटलबहादुर राई, अमरबहादुर राई र जितेन्द्र राईको घर नष्ट भएको आठराई गाउँपालिका अध्यक्ष दिलकुमार पाहिमले जानकारी दिए। लिम्बूको घर बसोबास गर्दै गरेको घर हो भने अन्य घरहरू खाली रहेको बताइएको छ।
नागेश्वरी जंगलमा लागेको आगो बस्तीमा पसेपछि घरहरूमा क्षति भएको हो। चारदिन अघिदेखि तमोर नदिको किनारबाट आगलागी सुरु भएको स्थानीयले बताएका छन्।
गाउँपालिकाको दमकल, प्रहरी र स्थानीयले आगलागी नियन्त्रणको प्रयास गरिरहेका छन्। शुक्रबारमात्रै छातेढुंगाको अकबरे चोकमा आगलागी हुदा एक घर जलेर नष्ट भएको थियो।
पछिल्लो एक महिनाभित्र आगलागीबाट चुहानडाँडाका १४ घर सहित १९ घर जलेर नष्ट भएका छन्।
प्रतिक्रिया दिनुहोस !
