बुटवल : स्ववियु निर्वाचनमा लुम्बिनी प्रदेशको सबैभन्दा ठूलो बुटवल बहुमुखी क्याम्पस रुपन्देहीमा अनेरास्ववियुको पुरै प्यानलै विजयी भएको छ । सोमबार बिहान सम्पन्न मतपरिणाम अनुसार अखिलका दुर्गाबहादुर एमसी ९ सय ९३ मत प्राप्त गरी विजयी भएका हुन् । उनका प्रतिस्पर्धी अखिल क्रान्तिकारीका शिवबहादुर खवासले ५ सय ८३ मत लिए ।
उनीहरुको मतान्तर ४ सय १० भएको छ । सचिवमा अखिलका निलकण्ठ पाण्डे,कोषाध्यक्ष शशांक बस्याल विजयी भएका छन् । सदस्यमा नविन खनाल, सूचना भण्डारी, सुनिल कार्की, भूकम्प अर्याल, विमल कुमार पासी, सागरी एमसी, प्रज्वल बस्नेत, विवेक कुवँर विजयी भएका छन् ।
बुटवल बहुमुखीमा अखिलको शुरुवातदेखि नै बर्चश्व रहेको छ । विगतको साखलाई यसपाली पनि अनेरास्ववियुले कायम राखेको हो ।
प्रतिक्रिया दिनुहोस !
