सुर्खेत बहुमुखी क्याम्पसमा गठबन्धनलाई हराउँदै अनेरास्ववियुको प्यानल विजयी
चैत ७, २०७९ मंगलबार ९:३:१३
स्ववियू निर्वाचनमा अखिल क्रान्तिकारी र नेविसंघको गठबन्धनलाई हराउँदै एमाले निकट अनेरास्वियुको प्यानल विजयी भएको छ ।
वीरेन्द्रनगर : सुर्खेत बहुमुखी क्यामपसको स्ववियू निर्वाचनमा अखिल क्रान्तिकारी र नेविसंघको गठबन्धनलाई हराउँदै अनेरास्वियुको प्यानल विजयी भएको छ । गएराती सम्पन्न मतगणनामा स्ववियू सभापतिमा एमाले निकट विद्यार्थी संगठन अनेरास्ववियुका अक्कलबहादुर सिजापतीले गठबन्धनका उम्मेदवार हिक्मत शाहीलाई ४७९ को मतान्तरले पराजित गरेका हुन् ।
सिजापतिले ९६७ मत प्राप्त गरेका थिए भने सभापतिका अर्का प्रतिस्पर्धी हिक्मत शाहीले ४८८ मत प्राप्त गरेका छन् ।
त्यस्तै सचिवमा अनेरास्ववियुकै भवानी ढकाल ९०४ र कोषाध्यक्षमा ललित राना ७७० मत प्राप्त गरि विजयी भएका छन् । सदस्यहरुमा अनेरास्ववियुकै भरत शाही ८५४, राधा रिजाल ८५९, गगन आले ८८४, रोकाय ८८८, दिपेन्द्र शाही ८३०, महेन्द्र खड्का ७९३, निरा जैशी ८५० र अशोक बरालले ८६९ मत ल्याएर विजयी भएका छन् ।
प्रतिक्रिया दिनुहोस !
