दोलखा : दोलखाको कालिञ्चोक क्षेत्रमा सोमबार यो वर्षको तेस्रो पटक हिमपात भएको छ। सोमबार रातिबाट सुरू भएको हिमपात मंगलबार बिहान ८ बजेसम्म निरन्तर रहेको स्थानीयले बताए ।
लामोसमय हिमपात भएका कारण कालिञ्चोकको कुरी आसपास एक फिटभन्दा बढी हिँउ रहेको होटल सुनपातीका सञ्चालक हरि ओलीले बताए ।
यो वर्ष पहिलो पटक गत फागुन १३ गते हिमपात भएको थियो । दोस्रो पटक चैत्र ४ गते हिमपात भएको कालिञ्चोक कुरीका स्थानीय होटल व्यवसायीले बताए ।
तीन हजार आठ सय ४२ मिटर उचाइमा रहेको कालिञ्चोकमा हरेक वर्ष पुसदेखि फागुन चैत्रसम्म हिमपात हुने गरेको थियो । यो वर्ष भने फागुन दोस्रो हप्ताबाट मात्र हिमपात सुरू भएको हो । राति हिमपात भएपछि पर्यटकहरू चिसोको पर्वाह नगरी हिउँसँग रमाएको स्थानीय होटल व्यवसायीहरूले बताए।
प्रतिक्रिया दिनुहोस !
५
