वीरेन्द्रनगर : नेपाल शिक्षक संघ कर्णाली प्रदेशको अध्यक्षमा शिक्षक नेता मानबहादुर रोकाया निर्वाचित भएका छन्।
संघको सुर्खेतमा आइतबार सम्पन्न दोस्रो प्रदेश अधिवेशनले रोकायालाई सर्वसम्मत रूपमा अध्यक्ष चयन गरेको हो।
शिक्षक संघ प्रदेशको प्रथम अधिवेशनमा अध्यक्षमा इलम शाही चुनाव लडेर निर्वाचित भएका थिए। संघले आफ्नो दोस्रो प्रदेश अधिवेशन सहमतिका आधारमा सम्पन्न गरेको हो।
संघको बरिष्ट उपाध्यक्षमा मक्कबहादुर बुढाक्षेत्री, महिला उपाध्यक्षमा राधिका महत, खुला उपाध्यक्षमा द्धय बालाराम अधिकारी, दिनेशकुमार सिंह, महासचिवमा कृष्णबहादुर थापा, महाँसचिव महिला (अर्थ) भुवनलक्ष्मी थापा, उपमहासचिव खिमबहादुर खड्का, महिला उपमहासचिवमा कमलाकुमारी चन्द, अर्थ उपमहासचिवमा धर्मराज उपाध्याय, समावेशी उपमहासचिवमा द्वय राजबहादुर ऐडी, कालीबहादुर बुढा, खुला सदस्य ११ जना, महिला सदस्य ४ जना लगायत चयन गरिएको निर्वाचन आयुक्त भक्तबहादुर थापाले जानकारी दिए।
प्रतिक्रिया दिनुहोस !
