वीरगन्ज : पर्साको ग्रामीण भेगबाट ठुलो परिमाणमा लागूऔषध चरेस सहित एक जना पक्राउ परेका छन्।
पक्राउ पर्नेमा पर्साकै कालिकामाई गाउँपालिका-१ तिनडोबियाका ३८ वर्षीय बृजेश प्रसाद कुर्मी रहेका छन्। कुर्मीलाई १० केजी चरेस सहित पक्राउ गरिएको प्रहरीले जनाएको छ।
कुर्मीले आफ्नो घरमा चरेस भण्डारण गरिराखेको सूचना प्रहरीलाई प्राप्त भएको थियो। उक्त सूचनाका आधारमा सोमबार दिउँसो इलाका प्रहरी कार्यालय पोखरियाबाट प्रहरी निरीक्षक मोहनविक्रम केसीको नेतृत्वमा खटिएको टोलीले कुर्मीको घर खानतलाशी गरेको थियो।
चरेससहित पक्राउ परेका कुर्मीलाई प्रहरी हिरासतमा राखेर थप अनुसन्धान भइरहेको गिरीले बताए।
प्रतिक्रिया दिनुहोस !
५
