डडेल्धुरा : डडेल्धुरामा माध्यमिक शिक्षा परीक्षा एसईईको तयारी पूरा भएको छ। भोलिबाट हुने एसईई परीक्षाको सम्पूर्ण तयारी पूरा भइसकेको शिक्षा विकास तथा समन्वय इकाई डडेल्धुराले जनाएको छ।
परीक्षाको सम्पूर्ण तयारी पूरा भइसकेको शिक्षा विकास तथा समन्वय इकाईका प्रमुख नारदप्रसाद जोशीले जानकारी दिए। प्रश्नपत्र र उत्तर पुस्तिकासहित केन्द्रमा पुगिसकेको उनको भनाइ छ।
उनका अनुसार यस वर्ष एसईई परीक्षामा डडेल्धुराबाट दुई हजार ६ सय ८९ विद्यार्थी सहभागी हुँदै छन्। जसमा नियमिततर्फ २ हजार ३ सय ७७, प्राविधिकतर्फ २ सय ४ र ग्रेड वृद्धितर्फका १ सय ८ जना विद्यार्थी छन्।
परीक्षा सञ्चालनका लागि १२ वटा केन्द्र तोकिएको छ। इकाईले एसइई परीक्षालाई निष्पक्ष, मर्यादित, भयरहित र शान्तिपूर्ण वातावरणमा सम्पन्न गर्नमा सहयोग पुर्याउन सबैमा आग्रह गरेको छ।
प्रतिक्रिया दिनुहोस !
१
