माहोल नयाँ र युवाको छ, एमालेले जवानलाई उम्मेदवार उठाएको छ : केपी ओली
चैत २५, २०७९ शनिबार ७:५०:५२
पूर्वप्रधानमन्त्री समेत रहेका ओलीले एमाले सधैं जनताको मन र मस्तिष्क बुझेर अगाडि बढ्ने बताएका छन्।
काठमाडौं : नेकपा एमालेका अध्यक्ष केपी शर्मा ओलीले चुनावी माहोल नयाँ र युवाको रहेको बताएका छन्। शनिबार बिहान सामाजिक सञ्जालमा उनले नयाँ र युवाको चाहना बुझेर एमालेले जवानलाई उठाएको स्पष्ट पारेका छन्।
उनले तस्बिर राख्दै लेखेका छन्, ‘यी हुन् राम न्यौपाने,उमेर ४३ वर्ष, चितवन- २ का एमाले उम्मेदवार ! पहिलो पटक चुनाव उठ्दैछन्। माहोल नयाँ र युवाको छ, यही चाहना बुझेर एमालेले यी लक्काजवानलाई उठाएको हो।’
पूर्वप्रधानमन्त्री समेत रहेका ओलीले एमाले सधैं जनताको मन र मस्तिष्क बुझेर अगाडि बढ्ने बताएका छन्।
नागरिकता प्रकरणमा सर्वोच्च अदालतले रवि लामिछानेको सांसद पद खारेज भएपछि चितवनमा हुन लागेको उपनिर्वाचनमा एमालेबाट न्यौपाने, रास्वपाबाट लामिछाने र कांग्रेसबाट जीतनारायण श्रेष्ठबीच मुख्य प्रतिस्पर्धा हुँदैछ।
प्रतिक्रिया दिनुहोस !
