महोत्तरी : रातिको समयमा चोरीको मोटरसाइकल डोर्याउँदै गरेको अवस्थामा महोत्तरी प्रहरीले एक जनालाई पक्राउ गरेको छ।
सोनमा गाउँपालिका-३ का १९ वर्षीय सुजितकुमार सहनीलाई प्रहरीले चोरीको मोटरसाइकलसहित नियन्त्रणमा लिएको छ।
सहनीले रातिको समयमा ज ७ प १२१४ नम्बरको मोटरसाइकल डोर्याउँदै लाँदै गरेको अवस्थामा ड्युटीमा रहेको प्रहरीले शंकाका आधारमा अनुसन्धान गर्दा मोटरसाइकल चोरीको रहेको पुष्टि भएको छ।
सहनीले सो मोटरसाइकल गौशाला नगरपालिका-५ शिवभक्तिखोरवाट चोरी गरिएको प्रहरीसमक्ष वयान दिएका छन्।
पक्राउ परेको सहनीलाई कानुनी कारबाहीका लागि इलाका प्रहरी कार्यालय गौशालामा राखी थप अनुसन्धान भइरहेको प्रहरी निरीक्षक मनोज यादवले जानकारी दिएका छन्।
पछिल्लो समयमा गौशाला आसपासको क्षेत्रमा चोरी तस्करीको घटनामा बढोत्तरी भएको छ।
प्रतिक्रिया दिनुहोस !
