बिहारको तरकारी बजारमा आगलागी, ११५ पसल नष्ट
अत्यधिक तीव्र गतिमा सल्केको आगोले एकैछिनमा दर्जनौं पसलहरू जलेर नष्ट पारेको स्थानीयले बताएका छन् । ग्यास सिलिन्डर पड्किएपछि आगलागी भएको घटनास्थलमा रहेका स्थानीयले बताएका छन् ।
नयाँ दिल्ली : भारतको बिहारमा अवस्थित बोधगयाको तरकारी बजारमा मङ्गलबार बिहान ठूलो आगलागी हुँदा बजारका ११५ पसलहरू जलेर खरानीमा परिणत भएको अधिकारीहरूले बताएका छन् ।
अत्यधिक तीव्र गतिमा सल्केको आगोले एकैछिनमा दर्जनौं पसलहरू जलेर नष्ट पारेको स्थानीयले बताएका छन् । ग्यास सिलिन्डर पड्किएपछि आगलागी भएको घटनास्थलमा रहेका स्थानीयले बताएका छन् ।
साथै आगलागीबाट ३७९ हेक्टर जङ्गल, फुटबल मैदान र दर्जनौं घर जलेको बताइएको छ । जलेको घरमा करिब ७० वर्षीय पुरुषको शव फेला परेको छ । त्यैगरी एक जना व्यक्ति भाग्ने क्रममा जलेका थिए । यसैबीच स्थानीय अधिकारीहरूले सयौं बासिन्दा र थुप्रै पर्यटकहरूलाई सुरक्षित स्थानमा जान आग्रह गरेका छन् ।
खाद्यान्न पसल सञ्चालक मुहम्मद राजुले भनेका छन्, 'आगो यति भीषण थियो कि कसैले निभाउने आँट गरेन र सिलिन्डर विस्फोटपछि त यसले ठूलै क्षति पुर्यायो । लाखौंको नोक्सानी गरायो ।' निकैपछि मात्र आगो नियन्त्रणमा लिने प्रयास गरिएको हुनाले क्षति व्यापक भएको हुन सक्ने अनुमान गरिएको छ ।
आगलागीबाट ५ देखि ६ वटा मोटरसाइकल जलेको अधिकारीहरुले जनाएका छन् । सूचना पाएपछि प्रहरी प्रशासन घटनास्थल पुगेको र अनुसन्धान जारी रहेको बताइएको छ । रासस