सिन्धुली : बर्दिबास-सिन्धुली-बनेपा (विपि) राजमार्गअन्तरगत सिन्धुलीको कमलामाई नगरपालिका ३ सोलाभन्ञ्याङ्ग नजिकै भएको कार दुर्घटनामा परी मृत्यु भएका भारतीय नागरिकहरूको पहिचान खुलेको छ । जिल्ला प्रहरी कार्यालय प्रहरबि नायव उपरीक्षक तथा प्रवक्ता चिरञ्जीवी दाहालका अनुसार दुर्घटनामा मृत्यु भएका चारैजना समस्तीपुर विहारका नागरिक भएको पुष्टि भएको छ।
मृत्यु हुनेमा समस्तीपुर विहारका अभिषेक ठाकुर,मुकेशकुमार चौधरी,मुत्यैजकुमार फुलहारा र राजेशकुमार सिंह रहेका छन् । दुर्घटनामा परी घाइते भएका समस्तीपुरकै धर्मेन्द्र शाहलाई सिन्धुली अस्पतालमा प्राथमिक उपचारपछि काभ्रेस्थित धुलीखेल अस्पताल पठाइएको छ ।
बीपी राजमार्गको सिन्धुलीमाडी–खुर्कोट खण्डअन्तर्गत कमलामाई नगरपालिका ३ को सोलाभन्ज्याङमा बुधबार भारतीय नम्बर प्लेटको बी आर डीडी ०६८७ नम्बरको भारतीय कार दुर्घटना भएको थियो । प्रहरी कार्यालयका अनुसार पूर्वबाट काठमाडौं जाँदै गरेको भारतीय नम्बरको कार सडकबाट करिब पाँच सय मिटर तल खसेको थियो ।
दुर्घटना हुँदा घटनास्थलमा तीनजना र सिन्धुली अस्पतालमा एक गरी चारजनाको मृत्यु भएको हो । कारमा पाँचजना सवार थिए । दुर्घटनाबारे प्रहरीले अनुसन्धान गरिरहेको छ ।
प्रतिक्रिया दिनुहोस !
