काभ्रे : धारिलो हतियार प्रहार गरी ९४ वर्षीया आमाको हत्या गर्ने एक जना पक्राउ परेका छन्। जिल्ला प्रहरी कार्यालय काभ्रेका अनुसार पनौती नगरपालिका-११ बल्थलीकी ९४ वर्षीया कान्छी माया थापालाई छोराले खुर्पा प्रहार गरी हत्या गरेका हुन्।
५४ वर्षीय छोरा विश्व बन्धु थापाले खुर्पा प्रहार गरेका थिए। घाइते भएकी थापाको उपचारका लागि शीर मेमोरियल अस्पतालमा ल्याउने क्रममा बाटोमै मृत्यु भएको जिल्ला प्रहरी कार्यालय काभ्रेका प्रहरी नायव उपरीक्षक ढुण्डीराज न्यौपानेले जानकारी दिए।
छोरोलाई प्रहरी हिरासतमा राखिएको र अनुसन्धान प्रक्रिया अगाडि बढाइएको प्रहरीले जनाएको छ।
प्रतिक्रिया दिनुहोस !
