यमनमा रमजानका लागि रकम बाड्दै गरेको ठाउँमा भागदौड, ७८ जनाको मृत्यु
सहरको बाब-अल-यमन क्षेत्रमा भएको यो घटनाको भिडियो सामाजिक सञ्जालमा भाइरल भएको छ। भिडियोमा मानिसहरू आतंकित भएर भागिरहेको देखिन्छ।
साना : यमनको राजधानी सानास्थित एउटा विद्यालयमा रमजानका लागि रमक/दान वितरण भइरहेको थियो । सोही समयमा भागदौड मच्चिंदा ७८ जनाको मृत्यु भएको बीबीसी समाचारमा उल्लख छ।
सहरको बाब-अल-यमन क्षेत्रमा भएको यो घटनाको भिडियो सामाजिक सञ्जालमा भाइरल भएको छ। भिडियोमा मानिसहरू आतंकित भएर भागिरहेको देखिन्छ।
समाचार एजेन्सी रोयटर्सको रिपोर्ट अनुसार सयौं मानिस विद्यालयमा चन्दा लिन भेला भएका थिए । यहाँ प्रतिव्यक्ति करिब ९ डलर (करिब ७ सय ४० रुपैयाँ) रकम दिइँदै थियो ।
रकम वितरण गर्नेलाई हिरासतमा लिई अनुसन्धान भइरहेको छ यमनका गृहमन्त्रीले जानकारी दिएका समाचार बीबीसीमा छ।
सन् २०१५ मा देशको सरकार अपदस्थ भएदेखि नै यो सहर हुथी विद्रोहीको नियन्त्रणमा छ। यमनमा सन् २०१५ देखि युद्ध चलिरहेको छ । सो वर्ष हुथी विद्रोहीले सरकारलाई धपाएर देशको ठूलो भूभाग आफ्नो नियन्त्रणमा लिएका थिए । बीबीसी