एयर इन्डियाका पाइलटमाथि महिला साथीलाई ककपिटमा बसाएको आरोप
समाचार एजेन्सी पीटीआईले एक अधिकारीलाई उद्धृत गर्दै यो कुरा २७ फेब्रुअरीको भएको उल्लेख गरेको छ।
नयाँ दिल्ली : एयर इन्डियाका एक पाइलटमाथि आफ्नी महिला साथीलाई विमानको ककपिटमा लगेको आरोप लागेको छ । यस सम्बन्धमा, भारतको उड्डयन क्षेत्रको नियामक निकाय नागरिक उड्डयन महानिर्देशनालय (डीजीसीए) ले यी आरोपहरूको छानबिन गरिरहेको जनाएको छ।
समाचार एजेन्सी पीटीआईले एक अधिकारीलाई उद्धृत गर्दै यो कुरा २७ फेब्रुअरीको भएको उल्लेख गरेको छ।
यो मुद्दा तब चर्चामा आयो जब पाइलट, सह-पाइलट, केबिन क्रू सदस्य र महिला शुक्रबार सुनुवाईको लागि डीजीसीए मा उपस्थित भए।
यसअघि ३ मार्चमा केबिन क्रुका एक सदस्यले एयर इन्डियाका सीईओ र उडान सुरक्षालाई यो विषयमा पहिलो पटक लिखित उजुरी गरेका थिए। त्यसपछि यो मुद्दा डीजीसीएमा पठाइयो।
केबिन क्रू का एक सदस्यले फ्लाइट कमाण्डरलाई त्यसो नगर्न भन्दा उनले चालक दलका सदस्यलाई गाली गरेका थिए।
केबिन क्रू सदस्य पाइलटको आक्रामक व्यवहारले आफू छक्क परेको बताएकी छन्। बीबीसी