तनहुँ क्षेत्र नं १ को प्रतिनिधिसभा सदस्यका लागि भएको उपनिर्वाचनमा मतदान सुरु भएको छ। दिउँसो चर्को घाम लाग्ने भएकाले बिहानैदेखि मतदाता लामवद्ध भएर बसेका जिल्ला निर्वाचन कार्यालय तनहुँका प्रमुख हरिप्रसाद ढकालले जानकारी दिए ।
तनहुँ : तनहुँ क्षेत्र नं १ को प्रतिनिधिसभा सदस्यका लागि भएको उपनिर्वाचनमा मतदान सुरु भएको छ। दिउँसो चर्को घाम लाग्ने भएकाले बिहानैदेखि मतदाता लामवद्ध भएर बसेका जिल्ला निर्वाचन कार्यालय तनहुँका प्रमुख हरिप्रसाद ढकालले जानकारी दिए ।
उनका अनुसार सबै मतदान केन्द्रमा शान्तिपूर्ण रुपमा मतदान सुरु भएको छ ।
६९ मतदानस्थल रहेको यस क्षेत्रमा एक सय ५२ मतदान केन्द्र छन् । मतदान गराउन ७ सय ६० कर्मचारी खटिएका छन् । निर्वाचनका लागि सुरक्षा प्रबन्ध सुदृढ बनाइएकाले ढुक्कसँग मतदानमा सहभागी हुन प्रमुख ढकालले मतदातालाई आग्रह गरेका छन् । यस क्षेत्रमा १ लाख २३ हजार ३०५ जना मतदाता रहेका छन् ।
नेपाली कांग्रेसका उम्मेदवार गोविन्द भट्टराईले व्यास नगरपालिका–११ बेल्टारीस्थित तनहुँ आधारभूत प्रावि मतदान केन्द्रमा मतदान गर्ने भएका छन् भने नेकपा (एमाले)का उम्मेदवार सर्वेन्द्र खनाल र राष्ट्रिय स्वतन्त्र पार्टीका उम्मेदवार डा स्वर्णिम वाग्लेको जिल्लामा मतदाता नामावलीमा नाम नरहेको जनाइएको छ ।
प्रतिक्रिया दिनुहोस !
